Informatioun

• Wëllkomm
  • Tour fir Lieser
  • Éischt Schrëtt
  • Billertutorial
• Index
• Heefeg gestallte Froen (FAQ)
• Glossar
• Technesch Hëllef
• Artikelrichtlinnen
• Froe stellen
• Kontakt
• D'Organisatioun

Häerzlech Wëllkomm op der lëtzebuergescher Versioun vun der Wikipedia, der fräier Enzyklopedie.

Wat ass d'Wikipedia?

D'Wikipedia ass eng Enzyklopedie, déi net vun enger fester, bezuelter Redaktioun, mee vu fräiwëllegen Auteure geschriwwe gëtt. Den Numm Wikipedia setzt sech zesummen aus Wiki, dem hawaiianesche Wuert fir „séier“, an Enzyklopedie. E Wiki ass eng Websäit, wou een d'Säite liicht an ouni technesch Virkenntnisser direkt am Browser ännere kann.

D'Lëtzebuergesch Wikipedia ass nëmmen eng vu ville Wikipediaen a ville verschiddene Sproochen. Mat 25.832 Artikele si mer fir eng kleng Sproochcommunautéit gutt derbäi; déi gréisste Wikipedia ass déi englesch, déi schonn iwwer 1.000.000 Artikelen huet. Op Wikipedia:Sproochen gëtt et eng Lëscht vun alle Sproochen, an denen d'Wikipedia existéiert. Am September 2004 huet de Projet d'1.000.000 Artikele geknackt.

Aneschters wéi déi meeschten Enzyklopedien ass d'Wikipedia fräi. Et gëtt si net nëmme gratis am Internet, mee jiddfereen däerf den Inhalt kopéieren a weiderverbreeden, soulaang en d'Source ugëtt. Dofir suergt d'GNU-Lizenz fir fräi Dokumentatioun, ënnert deeër d'Artikele geschriwwe ginn. Méi Informatioun iwwert Wikipedia

Wikipedia-Tour

Wikipedia-Tour.

Fir jiddfereen deen direkt lassleeë wëll, gëtt et eise klengen Tour fir Lieser. Do gitt Der gewuer, wéi een no engem Artikel sicht, wéi een an der Wikipedia navigéiert a wat déi ganz Linken op der Säit an uewe bedeiten. Zum Tour.

Auteur ginn

23 Schrëtt zu der Wikipedia

D'Wikipedia huet keng fest a bezuelte Redaktioun, mee ass d'Wierk vu fräiwëllegen Auteuren. Fir hei matzeschaffen, braucht Der keng Hëllefsmëttel, an d'technesch Ufuerderunge si minimal. Wee méi iwwert Wikipedia an hir Funktiounsweis wësse wëll, kann e Bléck op d'Éischt Schrëtt geheien. Do gitt Der am Detail gewuer, wéi een an der Wikipedia un Artikele schafft.

Umellen

Uewe riets kann ee sech umellen, a sech e Benotzernumm ginn, deen da bei allen Aarbechten un den Artikele gespäichert gëtt. Et ass awer net obligatoresch sech unzemellen. Bis op e puer Ausnamen, z.B. Biller eroplueden, stinn all Funktioune vun der Wikipedia och Benotzer op, déi net ugemellt sinn. Méi Informatiounen.

An elo vill Spaass op der Wikipedia!